Odesk වල මගේ සාර්ථකත්වය

අද නිකමට වගේ Odesk වලට ගිහින් බැලුව මම කොච්චර මුදලක් මේ වෙනකොට Odesk වලින් අරන් තියෙනවද කියල. අම්මෝ!! ඒ ගාන දැක්ක ගමන් මටත් පුදුම හිතුන මම මෙච්චර Odesk වලින් හම්බ කරලද කියලත්.ඒත් ඇත්තටම මගේ බැංකු පොතත් බැලුවම හිතුන මෙච්චර ගානක් මට ඇවිල්ල ඇති කියල. පහළින් තියෙන්නෙ මම මාස 6 කින් වගේ Odesk වල Job කරල අරගත්ත මුදල් පිළිබද කෙටි විස්තරයක්. 

නිල් පාටින් තියෙන්නෙ මම ඉස්සෙල්ලම job එක කරල ගත්ත පඩිය. ඊළගට රතු පාටින් තියෙන්නෙ මාස 6 කින් වගේ ගත්ත මුලු ගාන. ඒ කියන්නෙ $671 ක්.ලංකාවෙ මුදලින් රු.76,415.09 .මේක 6 න් බෙදුවොත් රු.12,635 ක් වගේ ගානක් එනව.ඒ කියන්නෙ මගේ මාසික ආදායම.ඒත් ඉතින් මට මාසෙන් මාසෙට නම් මේ සල්ලි ලැබුනෙ නෑ. මොකද Odesk වල job ලැබෙන්නෙ මාසෙන් මාසෙට නොවෙන නිසා.සම්හර මාසවල $10 ලැබුන අවස්ථාත් තියෙනව.

ඒ වගේම කියන්න ඕන මට මේ රු.76,415 ක්ම ලැබුනෙත් නෑ.කට්ටිය බය වෙයි ඒ ඇයිද කියල.හරි මම කියන්නම්. ඒ ඇයි කියල, මේ සල්ලි withdraw කරනකොට Odesk එකෙ‍න් $1 ක් ගන්නව.තව Moneybookers වලින් withdraw කරනකොට $2 ක් ගන්නව.ම්ම්..අන්තිමට ලංකාවෙ බැංකුවෙනුත් ගානක් ගන්නවනේ.ඉතින් ඔහොම කැපිල කැපිල ගියාම මට ඇවිත් තියෙන්නෙ රු.50,000 ක් 60,000 ක් අතර මුදලක්.ඒත් ඉතින් ඇතිනෙ.පාට් ටයිම් job එකක් විදියට මම මේ ගැන ‍ගොඩක් සෑහීමකට පත් වෙනව.


හැබැයි සමහර job ලැබුනම මම Part time නෙමෙයි Full time ම වැඩ කලා.එහෙම වැඩ කරන්නත් මට නිදහස තිබුන.ඇත්තටම ගොඩක් job වලට පැය දෙක තුනක් නම් මහන්සි ‍වෙලා මදි.අඩුම ගානෙ දවසකට පැය 4-5 ක් වත් තියෙන්න ඕන.ඉ-මනි කඩ කරන අය කියන්නෙ මාසෙකට රු.30000 ක් හොයන්න වැඩිය මහන්සි වෙන්න ඕන නෑ කියල. ඒ කියන්නෙ දවසකට පැයක් දෙකක් වැඩ කරාම ඇති කියලනේ.එහෙම පුලුවන් නම් මටත් ගිය මාස 6 ට රු.100000 ත් පන්නල හොයන්න තිබුන.නමුත් ඇත්ත ඒක නෙමෙයි.ලංකාවෙත් සමහර අය ඉන්නව මාසෙකට රු.30000 ක් විතර හොයන අය. (Odesk වලින්) ඒ එයාලගේ තියෙන දක්ෂතාවය අනුව තමයි.

 හරි අදට මේ ඇති කියල හිතෙනව.මම ලියපු මේ දේවල් ගොඩක් අයට ප්‍රයෝජනවත් වේවී කියල හිතෙනව.මේ ලිපිය ප්‍රයෝජනවත් ‍උනා කියල හිතෙන කස්ටිය ඉන්නව නම් කොමෙන්ටුවක් දාල ගියාට කමක් නෑ.ජය වේවා...!!!