උඩරට මැණිකේ සමග සුන්දර බදුලු පුරවරයෙන් නුවරට (Part 1)

උඩරට මැණිකේ..... ලැසි ලෙසි ගමනේ......
උඩරට මැණිකේ ලැසි ලෙසි ගමනේ
කොහේද යන්නේ.......................

සුභ දවසක් කස්ටියටම.උඩ තියෙන ගීත කොටස දැක්ක ගමන් හිතාගන්න පුලුවන්නෙ අද නම් Technical දෙයක් වත් E-money ගැන තොරතුරක් වත් නෙමෙයි අරන් ආවේ කියල.ඊට වඩා ගොඩක් රසවත් දෙයක්.පරිසරයට අපි කවුරුත් ආදරෙයිනෙ.ඒ වගේම පරිසරය විදින්නත් ගොඩක් අය කැමතියි.අන්න ඒ වගේ අයට බලන්න තමයි මේ පෝස්ට් එක ලියන්නෙ.

ගොඩක් අය දන්නව ඇති බදුලු දිස්ත්‍රික්කය කියන්නෙ ලංකාවෙ තවත් එක් ලස්සන සුන්දර පළාතක් කියල.හැබැයි ඒ සුන්දරත්වය ගොඩක්ම විදගන්න පුලුවන් බදුල්ලෙ ඉදන් කොළඹට/නුවරට උඩරට මැණිකේ එක්ක හරි පොඩි මැණිකේ එක්ක හරි යනකොට තමයි.(හික්..උඩරට මැණිකේ/පොඩි මැණිකේ කියන්නෙ බදුල්ලෙ ඉන්න කෙල්ලො දෙන්නෙක් නම් නෙමෙයි ඕන්.අපේ අය කෙල්ලොන්ටත් ආදරේට කියන්නෙ මැණික කියලනේ :D ඒකයි මම මේක ඉස්සෙල්ලම කිව්වෙ) 

උඩරට මැණිකේ/පොඩි මැණිකේ කියන්නෙ බදුල්ලෙ ඉදල කොළඹට ධාවනය වන දුම්රිය දෙකක්.(වැඩි විස්තර ඕන නම් මෙතන්ට ගිහින් බලන්න පුලුවන්) බදුල්ල හා ඒ අවට සුන්දරත්වය බලන්න එන කෙනෙක් ඉන්නව නම් අනිවාර්යෙන්ම මේ දෙන්නගෙන් එක්කෙනෙක් එක්ක යන්නම වෙනව.නැත්නම් ඒ සුන්දරත්වය විදගන්න වෙන්නෙ නෑ කියලයි මට නම් හිතෙන්නෙ.ඉතින් අපිත් ගිය සතියෙ පොඩි මැණිකෙ එක්ක නුවර ගියා.ඒ අත්දැකීම ඔයාලත් ඒක්ක බෙදා ගන්නයි මේ සූදානම.

බදුල්ලෙ ඉදල පොඩි මැණිකේ පිටත් වෙන්නෙ උදේ 9.10 ට.(උඩරට මැණිකෙ බදුල්ලෙන් උදේ 5.55 පිටත් වෙන නිසා අපිට යන්න උනේ පොඩි මැණිකෙත් එක්ක තමයි)අපේ කට්ටියත් 8.45 ට විතර Station එකට ඇවිල්ල තිබුණ.කට්ටිය ඇවිල්ල තියෙන්නෙ නිකම් නම් නෙමෙයි. "බොන්ගො" (මේකට කියන නම නම් මම හරියටම දන්නෙ නෑ.කට්ටිය කිව්වෙ ඔන්න ඔය නම තමා.සංගීත භාණ්ඩයක්) එකක් එහෙමත් අරගෙන තමයි ආවෙ.කට්ටිය කිවුවට එක්කෙනක් නම් ආවේ කෝච්චිය පිටත් වෙන්න විනාඩි දෙකකට විතර ඉස්සෙල්ල. (එයා නම් කොහොමත් වෙලාවටමයි වැඩ. :P )

මේ තියෙන්නෙ බදුල්ල දුම්රිය ස්ථානයේ පින්තූරයක්

අපි ටිකට් එහෙම අරන් (නුවරට ටිකට් එකක් රු.145 යි) කෝච්චියට නැග්ග.තුන්වෙනි පන්තියෙ පෙට්ටියක් තමයි අපිට නම් තිබුනෙ.අපි හිටිය පෙට්ටියෙ වැඩිය සෙනග හිටියෙ නෑ.ගොඩක් අය පොඩි ළමයින්ව බදුල්ලෙ ඉදන් බණ්ඩාරවෙලට කෝච්චියෙ එක්කන් යන්න තමයි ඇවිත් හිටියෙ.එදා නිවාඩු දවසක් නිසා වෙන්න ඇති.

ඔන්න එතකොටම තවත් කට්ටියක් අපේ පෙට්ටියට ආව සංගීත භාණ්ඩයක් එහෙම අරගෙන (ඒකේ නමත් මම දන්නෙ නෑ.සිංදු අහනව මිසක් ඕව ගැන හොයන්නෙ නෑනේ).ඒ අයත් අපි ඉන්න පෙට්ටියෙම යන්න තමා ඇවිත් තියෙන්නෙ මොකද අපේ ලගත් බොන්ගෝ එකක් තිබුණ නිසා, එයාල හිතන්න ඇති අපිත් එක්ක ගියොත් ඒ අයටත් හොදට විනෝද වෙන්න පුලුවන් කියල.

අපිත් එක්ක ඒ අය කතා කරනකොට තමයි දැනගත්තෙ එයාල එක්තරා පක්ෂයක සාමාජිකයන් පිරිසක් කියල.ඒ අයත් අපි වගේම චාරිකාවක් යනව.හැබැයි නුවර නම් නෙමෙයි. කස්ටිය කියපු විදියට එයාල යන්නෙ රක්ෂිත වනාන්තරයක් බලන්න වෙන්න ඕන.එදා සෙනසුරාද දවසක් නිසා එතන ගොඩක් අය හිටිය.ඔන්න ඒත් එක්කම කෝච්චියත් බදුල්ලෙන් පිටත් උනා.වෙලාව 9.10 ට විතර ඇති.

පොඩි මැණිකේ හෙමින් හෙමින් බදුල්ල දුම්රිය ස්ථානයෙන් ඈතට ඇදුන.අපේ කට්ටිය වගේම කෝච්චියෙ ගිය ගොඩක් අය හරිම සතුටින් තමයි ගමන පිටත් උනේ.ටික දුරක් ගියාම අපිට සෙට් උන අර පක්ෂෙ  කස්ටිය අපේ කස්ටියත් එක්ක එකතුවෙලා සංගීත සාජ්ජෙ පටන් ගත්ත.මුලින්ම පොඩ්ඩක් හෙමින් තමයි සාජ්ජෙ පටන් ගත්තෙ.

ඒ කණ්ඩායමෙ හිටියෙ අපිට වඩා තරමක් වයසක අය ඉතින් එයාල පටන් ගන්න සිංදු අපේ අය දන්නෙත් නෑ.ඒත් අපි හොද සහයෝගයක් දුන්න.අතරමැදදි අපි දන්න සින්දුත් කිව්ව නිසා සාජ්ජෙ ජයටම තිබුන.මට හිතුන විදියට අපේ සාජ්ජෙ අනිත් පෙට්ටිවල ඉන්න අයටත් ඇහෙන්න හොද සද්දෙට තිබුණ මොකද අපේ නව දෙනයි එයාලගේ කස්ටියයි ගොඩක් හිටිය නිසා.

මේ ඉන්නෙ අපි

 මේ ඉන්නෙ අපිත් එක්ක විනෝද වෙන්න ආව කණ්ඩායමෙන් ටික දෙනෙක්

බදුල්ලෙ ඉදල බණ්ඩාරවෙලට යනකොට හමුවෙන සුන්දර පරිසරය තමයි මේ තියෙන්නෙ

 

 අපි බණ්ඩාරවෙලට ආවෙ හාලිඇල,දෙමෝදර හා ඇල්ල දුම්රිය ස්ථාන පහුකරගෙන.බණ්ඩාරවෙලට එන්න පැය 1 යි විනාඩි 20 ක් විතර යන්න ඇති.ඒත් ගිය වෙලාව අපට දැනුනෙ නැත්තෙ සිංදු කිය කිය  විනෝදයෙන් ආව නිසා වෙන්ට ඇති.බණ්ඩාරවෙල දුම්රිය ස්ථානයෙන් බොහෝ දෙනෙක් බැහැල ගියා.ඒ වගේම අපිත් එක්ක ආපු පක්ෂෙ මිතුරන්ට තවත් කණ්ඩායමක් බණ්ඩාරවෙල දී එකතු උනා.බදුල්ලෙ ඉදල බණ්ඩාරවෙලට ආව ගමන ගොඩක් විනෝදජනක එකක් උන බව නම් අපේ කස්ටියගේ මූණු වලින් ම පෙනුන.

ලියන්න නම් ගොඩක් දේ තියෙනව.ඒත් කාලය ඒවට හරස් වෙන නිසා කෙටියෙන්ම පෝස්ට් එක ලිව්ව.ගමනේ ඉතිරි කොටස ඊළග පෝස්ට් එකෙන් දාන්න කියල තමයි හිතන් ඉන්නෙ.